प्रभाग क्रमांक १७ मध्ये इस्माईल शेख यांचा थेट जनता संपर्क .
स्थानिक समस्यांवर उपाययोजनांची देणार दिशा .
धाराशिव | प्रतिनिधी
प्रभाग क्रमांक १७ मध्ये राष्ट्रवादी काँग्रेस (शरदचंद्र पवार) गटाचे उमेदवार इस्माईल शेख यांचा डोर-टू-डोर जनसंपर्क सध्या विशेष लक्ष वेधून घेत आहे. परिसरातील रस्ते, पाणी, स्वच्छता आणि आरोग्य विषयक प्रश्न प्रत्यक्षपणे पाहणी करून नागरिकांच्या समस्या आणि अपेक्षा जाणून घेण्याचा त्यांचा संवाद हा चर्चेचा विषय ठरत आहे.
दरम्यान, नुकत्याच झालेल्या भेटीदरम्यान अनेक नागरिकांशी संवाद साधत त्यांच्या अडचणी, प्राधान्याने सोडवावयाच्या कामांची माहिती त्यांनी शांतपणे ऐकून घेतली. स्थानिकांच्या म्हणण्यानुसार, विविध भागांत फिरत प्रत्येक घराशी साधलेला हा संपर्क अधिक जबाबदार आणि सक्रिय नेतृत्वाची झलक देणारा असल्याचे मत व्यक्त होत आहे.
इस्माईल शेख यांनी वार्ताहरांशी बोलताना सांगितले की, “प्रभागातील मूलभूत सुविधा दर्जेदार ठेवणे हे सर्वात महत्त्वाचे. रस्त्यांची स्थिती, गटारव्यवस्था, प्रकाशयोजना, पिण्याच्या पाण्याविषयीच्या तक्रारी — या सगळ्या मुद्द्यांकडे नियोजनपूर्वक पाहणे आवश्यक आहे. नागरिकांशी सातत्याने संवाद साधून त्यांची गरज, अपेक्षा आणि सूचनांच्या आधारे पुढील दिशा ठरवण्याचा माझा प्रयत्न असेल.”
प्रभागातील नागरिकांमध्ये स्थानिक प्रश्नांच्या समाधानासाठी नेमक्या कोणत्या उपाययोजना राबवल्या जाव्यात, यावर उत्साहाने चर्चा होत असून या प्रत्यक्ष जनसंपर्कातून मिळणारी माहिती आगामी नियोजनासाठी उपयुक्त ठरेल, असा विश्वास व्यक्त केला जात आहे.
Total views : 4449