दिलेला शब्द पाळणारा जनसामान्यांचा नेता; पारडी येथे पुलाच्या कामाचा शुभारंभ

दिलेला शब्द पाळणारा जनसामान्यांचा नेता; पारडी येथे पुलाच्या कामाचा शुभारंभ
वाशी तालुक्यातील पारडी गावातील नागरिकांना दिलेले आश्वासन पूर्ण करत माजी आरोग्यमंत्री तथा भूम-परंडा-वाशी विधानसभा मतदारसंघाचे आमदार प्रा. डॉ. तानाजीराव सावंत यांच्या मार्गदर्शनाखाली पुलाच्या कामाचा शुभारंभ ग्रामस्थ व मान्यवरांच्या हस्ते उत्साहात करण्यात आला.
ग्रामस्थांच्या दळणवळणाच्या दृष्टीने अत्यंत महत्त्वाच्या असलेल्या या पुलाची मागणी अनेक दिवसांपासून प्रलंबित होती. जिल्हा परिषद निवडणुकीदरम्यान दिलेला शब्द पाळत सावंत यांनी ग्रामस्थांची गरज ओळखून स्वखर्चातून या कामास तत्काळ सुरुवात केली आहे.
या कामामुळे पारडी परिसरातील नागरिकांची वाहतुकीची मोठी अडचण दूर होणार असून ग्रामस्थांनी समाधान व्यक्त करत सावंत यांच्या कार्यपद्धतीचे कौतुक केले. पुलाच्या शुभारंभप्रसंगी गावातील नागरिक, पदाधिकारी व कार्यकर्ते मोठ्या संख्येने उपस्थित होते.