गोजवाडा, ता. वाशी : तालुक्यातील गोजवाडा येथे पाटील परिवाराच्या वतीने आयोजित करण्यात आलेल्या स्नेहभोजन कार्यक्रमास भाजप नेते तथा जिल्हा परिषदेचे माजी उपाध्यक्ष व विद्यमान जिल्हा परिषद सदस्य आदरणीय धनंजय दादा सावंत यांनी सदिच्छा भेट देत उपस्थितांशी मनमोकळा संवाद साधला.
यावेळी गावातील विविध सामाजिक, शैक्षणिक व विकासात्मक विषयांवर चर्चा करण्यात आली. धनंजय दादा सावंत यांनी सर्वसामान्य नागरिकांच्या समस्या जाणून घेत त्यावर सकारात्मक भूमिका मांडली. त्यांच्या साध्या व आपुलकीच्या स्वभावामुळे उपस्थित नागरिकांमध्ये उत्साहाचे वातावरण निर्माण झाले होते.
स्नेहभोजन कार्यक्रमात ग्रामस्थ, कार्यकर्ते व मान्यवर मोठ्या संख्येने उपस्थित होते. पाटील परिवाराच्या वतीने धनंजय दादा सावंत यांचा सत्कार करण्यात आला. यावेळी “जनतेशी नाळ जोडून काम करणारे लोकनेते” अशी भावना उपस्थितांनी व्यक्त केली.
कार्यक्रमात सामाजिक ऐक्य, परस्पर स्नेह आणि विकासासाठी एकत्रितपणे काम करण्याचा संदेश देण्यात आला. गावातील नागरिकांनी विविध प्रश्न मांडत विकासकामांसाठी सहकार्याची अपेक्षा व्यक्त केली. धनंजय दादा सावंत यांनीही भविष्यात गावाच्या सर्वांगीण विकासासाठी कटिबद्ध असल्याचे सांगितले.
Total views : 12306