अनगर मंडल अधिकारी बालाजी नागटिळक प्रकरणात ACB च्या हालचाली वेगात; ताब्यासाठी परवानगी प्रक्रियेवर लक्ष..!!
➡️ चौकशीसाठी ताबा घेण्यापूर्वी प्रशासकीय मंजुरीची प्रक्रिया सुरू
➡️ प्रकरणाच्या गंभीरतेमुळे विभागीय पातळीवर हालचाली तीव्र
➡️ अधिकृत पुष्टीची प्रतीक्षा; कायदेशीर प्रक्रियेवर भर
दैनिक त्रिशक्ती / राजेश शिंदे
मोहोळ : – अनगर सर्कलमधील चर्चित नागटिळक प्रकरणात लाचलुचपत प्रतिबंधक विभागाच्या (ACB) हालचालींना वेग आला असल्याची माहिती समोर येत आहे. विश्वसनीय सूत्रांच्या माहितीनुसार, संबंधित व्यक्ती नागटिळक याला चौकशीसाठी ताब्यात घेण्याबाबत आवश्यक प्रशासकीय परवानगी मिळवण्यासाठी ACB पथक पुण्याकडे मंगळवारी सकाळी ११ : oo वाजता रवाना झाले आहे.
ही परवानगी प्रक्रिया विभागीय आयुक्त पुणे विभाग पुणे स्तरावर होत असल्याची चर्चा असून, प्रकरणाची गंभीरता लक्षात घेता वरिष्ठ पातळीवर हालचाली सुरू झाल्याचे संकेत मिळत आहेत. मात्र, यासंदर्भात अद्याप कोणतीही अधिकृत घोषणा करण्यात आलेली नाही.
कायद्याच्या चौकटीत पाहता, अशा प्रकारच्या प्रकरणांमध्ये कोणत्याही व्यक्तीला ताब्यात घेण्यापूर्वी आवश्यक प्रशासकीय व कायदेशीर प्रक्रिया पूर्ण करणे बंधनकारक असते. विशेषतः लाचलुचपत प्रतिबंधक कारवाईत पुरावे, प्राथमिक चौकशी व वरिष्ठांची मंजुरी या टप्प्यांना अत्यंत महत्त्व असते.
दरम्यान, या प्रकरणामुळे महसूल प्रशासनावर आधीच प्रश्नचिन्ह निर्माण झाले असताना ACBच्या या हालचालींमुळे प्रकरण अधिकच गंभीर व निर्णायक टप्प्यावर पोहोचत असल्याचे चित्र आहे. संबंधित व्यक्तीला ताब्यात घेण्याची प्रक्रिया पूर्ण झाल्यास पुढील चौकशी अधिक सखोल होण्याची शक्यता वर्तवली जात आहे.
नागरिकांमध्ये या घडामोडींमुळे उत्सुकता वाढली असून, “चौकशी पारदर्शक व्हावी आणि दोषींवर कठोर कारवाई व्हावी” अशी मागणी जोर धरत आहे.
कोट : – ACB च्या प्रक्रियेला वेग .
नागटिळक प्रकरणात ACBची हालचाल ही केवळ प्राथमिक पायरी नसून, संपूर्ण प्रकरणाच्या पुढील दिशेचा निर्णायक टप्पा ठरू शकते. आता सर्वांचे लक्ष अधिकृत घोषणेकडे आणि पुढील कायदेशीर कारवाईकडे लागले आहे. या प्रकरणी अनगर मंडल अधिकारी बालाजी नागटिळक हाच मास्टर माईंड असून त्या तीन ट्रॅक्टरवर का कारवाई केली नाही हा प्रश्न पडतो . वाफळे गावचा तलाठी सुदर्शन जाधव चा या प्रकरणी विनाकारण बळीचा बकरा केल्याची चर्चाही सर्वत्र पसरली आहे .
Total views : 9132