आमदार डॉ. तानाजीराव सावंत यांच्या नेतृत्वावर वाढता विश्वास; आष्टा येथील अनेक मान्यवरांचा शिवसेनेत प्रवेश

आमदार डॉ. तानाजीराव सावंत यांच्या नेतृत्वावर वाढता विश्वास; आष्टा येथील अनेक मान्यवरांचा शिवसेनेत प्रवेश
भूम : भूम-परांडा-वाशी मतदारसंघात विकासकामांचा वेग वाढत असताना आमदार प्रा. डॉ. तानाजीराव सावंत यांच्या नेतृत्वावर विश्वास ठेवत विविध पक्षांतील पदाधिकारी आणि कार्यकर्त्यांचा शिवसेनेकडे कल वाढत असल्याचे चित्र पाहायला मिळत आहे. ग्रामीण भागातील विकासकामे, जनतेशी कायम ठेवलेला थेट संपर्क आणि सर्वसामान्यांच्या प्रश्नांवर घेतलेली भूमिका यामुळे मतदारसंघात शिवसेनेची ताकद अधिक मजबूत होत आहे.
भूम तालुक्यातील आष्टा येथे नुकत्याच झालेल्या कार्यक्रमात अनेक प्रमुख पदाधिकाऱ्यांनी आपल्या समर्थकांसह शिवसेनेत जाहीर प्रवेश केला. माजी पंचायत समिती सदस्य प्रदीपभैय्या काकडे पाटील, आष्टा ग्रामपंचायतीचे सरपंच सुनीलबापू जाधव, सतीश महाराज कदम पाटील, माजी सरपंच संभाजीबाबा गिलबिले, माजी सरपंच तानाजीआप्पा गिलबिले, राजकुमार घरत, ग्रामपंचायत सदस्य सुनीलतात्या सूर्यवंशी, शामराव सूर्यवंशी आणि समाधान महाराज गिलबिले यांनी शिवसेनेत प्रवेश करत आमदार डॉ. सावंत यांच्या नेतृत्वावर विश्वास व्यक्त केला.
यावेळी आमदार प्रा. डॉ. तानाजीराव सावंत यांनी नव्याने पक्षात दाखल झालेल्या सर्वांचे स्वागत करत शिवसेना ही विकास आणि जनसेवेची चळवळ असल्याचे सांगितले. मतदारसंघाच्या प्रगतीसाठी सर्वांना सोबत घेऊन काम करण्याची भूमिका त्यांनी स्पष्ट केली.
कार्यक्रमाला भूमचे माजी नगराध्यक्ष संजयनाना गाढवे, जिल्हा परिषद सदस्य भाऊसाहेब मारकड, पंचायत समिती सदस्य संतोष लोखंडे, खंडेराव गोयकर, नगरसेवक सूरज गाढवे, सरपंच समाधान भोरे, अतुल शेळके, उपसरपंच दत्ता नलवडे, माजी सरपंच हर्षल डिसले यांच्यासह शिवसेनेचे अनेक पदाधिकारी व कार्यकर्ते मोठ्या संख्येने उपस्थित होते.
दरम्यान, मतदारसंघात सुरू असलेल्या विकासकामांमुळे आणि वाढत्या जनसंपर्कामुळे आगामी काळात शिवसेनेची संघटनात्मक ताकद आणखी वाढणार असल्याची चर्चा राजकीय वर्तुळात रंगू लागली आहे.