लोकसेवेचा एकच ध्यास, विकासाची आस!
➡️ धनकवडी–कात्रज डेअरी परिसरात नागरिक संवाद व विकास विषयक उपक्रम
धनकवाडी – कात्रज. सय्यद कलीम मुसा.
धनकवडी–कात्रज डेअरी परिसरात नागरिकांच्या दैनंदिन प्रश्नांबाबत संवाद साधण्यासाठी आणि परिसरातील मूलभूत सुविधांवर चर्चा करण्याच्या उद्देशाने एक सामाजिक व विकासाभिमुख उपक्रम राबविण्यात आला. या उपक्रमातून नागरिकांच्या समस्या ऐकून घेणे, सूचना संकलित करणे आणि त्या प्रशासनापर्यंत पोहोचवणे हा प्रमुख हेतू असल्याचे सांगण्यात आले.
या वेळी परिसरातील रस्ते, पाणीपुरवठा, स्वच्छता, सार्वजनिक आरोग्य, वाहतूक आणि नागरी सुविधा यासंदर्भात नागरिकांनी आपली मते मांडली. स्थानिक पातळीवर समन्वयातून प्रश्न सुटावेत, यासाठी लोकसहभाग महत्त्वाचा असल्याचे मत व्यक्त करण्यात आले.
गिरीराज तानाजी सावंत यांच्या पुढाकारातून हा उपक्रम राबवण्यात आला असून, हा कार्यक्रम कोणत्याही राजकीय प्रचाराशी संबंधित नसून पूर्णतः सामाजिक आणि जनहिताच्या दृष्टीने आयोजित करण्यात आल्याचे स्पष्ट करण्यात आले. नागरिकांशी थेट संवाद साधणे आणि विकासात्मक सूचना संकलित करणे, ही या उपक्रमामागील भूमिका असल्याचे नमूद करण्यात आले.
अशा प्रकारचे उपक्रम सातत्याने राबविल्यास प्रशासन, लोकप्रतिनिधी आणि नागरिक यांच्यात समन्वय वाढून परिसराच्या विकासाला चालना मिळेल, असा विश्वास उपस्थितांनी व्यक्त केला.
Total views : 4448