पंढरपुरात आमदार डॉ. तानाजीराव सावंत यांचे विठ्ठल-रुक्मिणी दर्शन
पंढरपूर : महाराष्ट्राचे माजी आरोग्यमंत्री तथा भूम-परंडा-वाशी विधानसभा मतदारसंघाचे आमदार प्रा. डॉ. तानाजीराव सावंत यांनी आज तीर्थक्षेत्र पंढरपूर येथे सहकुटुंब श्री विठ्ठल-रुक्मिणीचे दर्शन घेतले. विठ्ठल नामाच्या जयघोषात त्यांनी विठूरायाच्या चरणी नतमस्तक होत राज्यातील जनतेच्या सुख-समृद्धीसाठी प्रार्थना केली.
यावेळी त्यांच्यासमवेत चिरंजीव ऋषीराज सावंत तसेच पुतणे अनिल सावंत उपस्थित होते. पंढरीच्या पावन भूमीत विठ्ठलाच्या सावळ्या रूपाचे दर्शन घेतल्यानंतर मनाला समाधान आणि नव्या कार्यासाठी ऊर्जा मिळाल्याची भावना डॉ. सावंत यांनी व्यक्त केली.
संपूर्ण वातावरण भक्तिमय झाले असताना डॉ. सावंत यांनी सर्वांच्या जीवनात सुख, समृद्धी आणि भरभराट लाभावी, अशी प्रार्थना श्री विठ्ठल चरणी अर्पण केली.
Total views : 14018