अवघ्या तीन दिवसांत ३७६ बूथप्रमुख नियुक्ती; बाळासाहेब मांगले यांचा धाराशिवात गौरव

अवघ्या तीन दिवसांत ३७६ बूथप्रमुख नियुक्ती; बाळासाहेब मांगले यांचा धाराशिवात गौरव
शिवसेनेच्या संघटनात्मक बांधणीत उल्लेखनीय कामगिरीची पक्षश्रेष्ठींकडून दखल
शिवसेना पक्ष संघटन मजबूत करण्यासाठी राबविण्यात आलेल्या बूथ लेवल एजंट (BLA-1) अभियानात उल्लेखनीय कामगिरी बजावल्याबद्दल युवा सेना जिल्हाप्रमुख बाळासाहेब मांगले यांचा धाराशिव येथे मान्यवरांच्या हस्ते सत्कार करण्यात आला.
शिवसेनेचे मुख्य नेते तथा महाराष्ट्राचे उपमुख्यमंत्री एकनाथ शिंदे यांच्या आदेशानुसार आणि माजी आरोग्यमंत्री प्रा. डॉ. तानाजीराव सावंत यांच्या मार्गदर्शनाखाली बाळासाहेब मांगले यांच्यावर 243 परंडा विधानसभा मतदारसंघातील बूथ लेवल एजंट नियुक्तीची महत्त्वपूर्ण जबाबदारी सोपविण्यात आली होती.
नियुक्तीपत्र मिळाल्यानंतर अवघ्या तीन दिवसांत मतदारसंघातील ३७६ बूथप्रमुखांची शंभर टक्के नियुक्ती पूर्ण करून त्यांनी संघटनात्मक कार्यात वेगळी छाप पाडली. त्यांच्या या कामगिरीची दखल घेत धाराशिव येथे आयोजित कार्यक्रमात पक्ष सचिव संजय माशेलकर, मराठवाडा सचिव अशोक पटवर्धन, संपर्कप्रमुख अनिल दादा खोचरे तसेच जिल्हाप्रमुख दत्ता अण्णा साळुंखे यांच्या उपस्थितीत त्यांचा सन्मान करण्यात आला.
यावेळी जिल्हाभरातील बूथप्रमुखांसाठी आयोजित करण्यात आलेल्या मार्गदर्शन शिबिरांचाही विशेष उल्लेख करण्यात आला. भैरवनाथ शिवशक्ती साखर कारखाना, वाशी येथे आयोजित शिबिरात जिल्हाप्रमुख दत्ता अण्णा साळुंखे व बाळासाहेब मांगले यांनी बूथप्रमुखांना त्यांच्या जबाबदाऱ्या आणि पक्ष संघटनाबाबत मार्गदर्शन केले होते. तसेच येरमाळा येथे झालेल्या मेळाव्यातही बूथस्तरावरील कामकाजाबाबत ऑनलाइन मार्गदर्शन करण्यात आले.