धाराशिव जिल्ह्यात काँग्रेसला नवे नेतृत्वउमेश राजेनिंबाळकर यांची जिल्हाध्यक्षपदी निवड

धाराशिव जिल्ह्यात काँग्रेसला नवे नेतृत्व
उमेश राजेनिंबाळकर यांची जिल्हाध्यक्षपदी निवड
धाराशिव : काँग्रेस आय पक्षाच्या धाराशिव जिल्हाध्यक्षपदी युवा, आक्रमक आणि संघटनात्मक कौशल्यासाठी ओळख असलेल्या उमेश राजेनिंबाळकर यांची निवड करण्यात आली आहे. त्यांच्या निवडीमुळे जिल्ह्यातील काँग्रेस कार्यकर्त्यांमध्ये नवचैतन्य निर्माण झाले असून पक्ष संघटना अधिक मजबूत होण्याची अपेक्षा व्यक्त होत आहे.
उमेश राजेनिंबाळकर हे धाराशिव कृषी उत्पन्न बाजार समितीचे संचालक म्हणून कार्यरत असून सामाजिक व राजकीय क्षेत्रात त्यांनी सातत्याने सक्रिय भूमिका बजावली आहे. पक्ष संघटन मजबूत करण्यासाठी त्यांनी विविध निवडणुकांमध्ये महत्त्वपूर्ण जबाबदाऱ्या यशस्वीपणे पार पाडल्या आहेत. कार्यकर्त्यांशी असलेला दांडगा संपर्क, युवकांपासून ज्येष्ठ पदाधिकाऱ्यांपर्यंत साधलेला समन्वय आणि विविध सामाजिक प्रश्नांवर घेतलेली आक्रमक भूमिका यामुळे त्यांची ओळख जिल्हाभर निर्माण झाली आहे.
राजेनिंबाळकर यांच्या नेतृत्वाखाली काँग्रेस पक्षाला नवसंजीवनी मिळेल, असा विश्वास पक्षातील वरिष्ठ नेते आणि कार्यकर्त्यांकडून व्यक्त केला जात आहे. आगामी स्थानिक स्वराज्य संस्था निवडणुका, संघटनात्मक बांधणी आणि ग्रामीण भागातील पक्ष विस्तार यासाठी त्यांच्या नेतृत्वाकडे विशेष लक्ष लागले आहे.
जिल्हाध्यक्षपदी निवडीची घोषणा होताच विविध राजकीय, सामाजिक आणि शैक्षणिक क्षेत्रातून त्यांच्यावर अभिनंदनाचा वर्षाव सुरू झाला आहे. काँग्रेस कार्यकर्त्यांनीही उत्साह व्यक्त करत जिल्ह्यात पक्ष अधिक बळकट करण्याचा निर्धार व्यक्त केला आहे.