कर्तव्यदक्ष अप्पर पोलीस अधीक्षक सचिन पाडकर यांचा मोटर महासंघाकडून गौरव
धाराशिव | प्रतिनिधी
धाराशिव जिल्ह्यात कायदा व सुव्यवस्था राखण्यासाठी तसेच गुन्हेगारीविरोधात प्रभावी कारवाई करून जनतेमध्ये सुरक्षिततेची भावना निर्माण करणारे अप्पर पोलीस अधीक्षक सचिन पाडकर यांचा उस्मानाबाद मोटर महासंघाच्या वतीने विशेष सत्कार करण्यात आला.
मोटर महासंघाचे जिल्हाध्यक्ष तथा माजी नगराध्यक्ष मेहनुद्दीन पठाण यांच्या नेतृत्वाखाली आयोजित कार्यक्रमात हैदर शेख, मोसिन कुरेशी, रोहित चौधरी, फिरोज भाई, फहीम काजी, तोफिक काजी, सतीश इंगळे तसेच इतर मान्यवरांच्या हस्ते सचिन पाडकर यांचा शाल, पुष्पगुच्छ व सन्मानचिन्ह देऊन गौरव करण्यात आला.
यावेळी उपस्थित मान्यवरांनी सचिन पाडकर यांनी जिल्ह्यात कायदा व सुव्यवस्था अबाधित ठेवण्यासाठी केलेल्या कार्याचे कौतुक केले. अवैध धंद्यांविरोधातील कारवाया, गुन्हेगारी नियंत्रण, वाहतूक व्यवस्थापन आणि जनतेशी सुसंवाद साधत त्यांनी केलेल्या उल्लेखनीय कामगिरीमुळे पोलिस दलाची प्रतिमा अधिक उंचावली असल्याचे मत उपस्थितांनी व्यक्त केले.
सत्काराला मोटर महासंघाचे पदाधिकारी, विविध क्षेत्रातील मान्यवर, व्यापारी, वाहनचालक प्रतिनिधी आणि सामाजिक कार्यकर्ते मोठ्या संख्येने उपस्थित होते. कार्यक्रम उत्साहपूर्ण वातावरणात पार पडला.
Total views : 13800