वाशीच्या आरोग्य विकासाला गती; ट्रामा केअर सेंटर व १०० बेडचे उपजिल्हा रुग्णालय अंतिम टप्प्यात
वाशी | प्रतिनिधी
परंडा-भूम-वाशी मतदारसंघातील नागरिकांच्या आरोग्य सेवेला बळकटी देणारा महत्त्वाकांक्षी प्रकल्प आता प्रत्यक्षात साकार होताना दिसत आहे. महाराष्ट्र राज्याचे माजी आरोग्य व कुटुंब कल्याण मंत्री तथा विकासरत्न आमदार प्रा. डॉ. तानाजीराव सावंत यांच्या विशेष पाठपुराव्यामुळे वाशी येथे मंजूर झालेले अत्याधुनिक ट्रामा केअर सेंटर आणि १०० बेडचे उपजिल्हा रुग्णालय वेगाने उभारले जात असून लवकरच जनतेच्या सेवेत दाखल होणार आहे.
ग्रामीण भागातील नागरिकांना दर्जेदार आणि तातडीच्या आरोग्य सुविधा उपलब्ध करून देण्याच्या उद्देशाने उभारण्यात येणारे हे दोन्ही प्रकल्प मतदारसंघासाठी वरदान ठरणार आहेत. विशेषतः अपघातग्रस्तांना त्वरित उपचार मिळावेत यासाठी ट्रामा केअर सेंटरची उभारणी महत्त्वाची मानली जात आहे.
उपजिल्हा रुग्णालय कार्यान्वित झाल्यानंतर नागरिकांना उपचारांसाठी जिल्हा मुख्यालय अथवा मोठ्या शहरांकडे धाव घेण्याची गरज कमी होणार आहे. आधुनिक वैद्यकीय सुविधा, तज्ज्ञ डॉक्टरांची उपलब्धता आणि सुसज्ज आरोग्य सेवा यामुळे परिसरातील हजारो नागरिकांना मोठा दिलासा मिळणार आहे.
आरोग्य क्षेत्रातील विकासकामांना सातत्याने प्राधान्य देत आमदार प्रा. डॉ. तानाजीराव सावंत यांनी मतदारसंघाच्या विकासाला नवी दिशा दिली आहे. वाशीच्या आरोग्य सुविधांमध्ये होत असलेली ही भर भविष्यात संपूर्ण परिसरासाठी आरोग्यसेवेचे महत्त्वाचे केंद्र ठरणार असल्याची भावना नागरिकांकडून व्यक्त होत आहे.
“विकासाची गती, जनतेच्या आरोग्याची हमी; वाशीच्या प्रगतीचा नवा अध्याय आता प्रत्यक्षात साकार होत आहे.”— दैनिक त्रिशक्ती
Total views : 13798