तेर येथे एमबीबीएससाठी पात्र ठरलेल्या गुणवंत विद्यार्थ्यांचा सत्कार; प्रत्येकी एक लाख रुपयांचे बक्षीस वितरण

तेर येथे एमबीबीएससाठी पात्र ठरलेल्या गुणवंत विद्यार्थ्यांचा सत्कार; प्रत्येकी एक लाख रुपयांचे बक्षीस वितरण
तेर : येथील एमबीबीएस वैद्यकीय शिक्षणासाठी पात्र ठरलेल्या गुणवंत विद्यार्थ्यांना प्रत्येकी एक लाख रुपयांची बक्षीस रक्कम प्रदान करण्यात आली. दिलेल्या शब्दाची पूर्तता करत हा धनादेश वितरण सोहळा उत्साहात पार पडला.
तेर येथील कु. वैष्णवी काकासाहेब देवकते, कु. श्रुती गोरोबा सुतार, चि. वैष्णव दत्ता बनसोडे व चि. ओंकार राजेंद्र धुमाळ यांनी कठोर परिश्रम, जिद्द आणि चिकाटीच्या बळावर एमबीबीएस शिक्षणासाठी पात्रता मिळवून गावाचे नाव उज्ज्वल केले आहे. त्यांच्या या उल्लेखनीय यशाबद्दल यापूर्वी सत्कार समारंभात त्यांचे अभिनंदन करून प्रत्येकी एक लाख रुपयांचे बक्षीस जाहीर करण्यात आले होते.
त्या घोषणेची अंमलबजावणी करत सर्व विद्यार्थ्यांना प्रत्येकी एक लाख रुपयांची बक्षीस रक्कम प्रदान करण्यात आली. गुणवंत विद्यार्थ्यांना आर्थिक पाठबळ मिळावे, त्यांच्या शिक्षणाचा मार्ग सुलभ व्हावा आणि त्यांनी वैद्यकीय क्षेत्रात मोठी भरारी घ्यावी, या उद्देशाने हा उपक्रम राबविण्यात आल्याचे यावेळी सांगण्यात आले.
यापुढील काळातही शिक्षणाच्या प्रवासात कोणतीही अडचण आल्यास सदैव मदतीस तयार असल्याचा विश्वास व्यक्त करण्यात आला. आपल्या भागातील विद्यार्थी डॉक्टर बनून समाजसेवेचे महान कार्य करतील, अशी अपेक्षा यावेळी व्यक्त करण्यात आली.
कार्यक्रमास पालक, ग्रामस्थ व मान्यवरांची उपस्थिती होती. शेवटी सर्व विद्यार्थ्यांना उज्ज्वल भविष्यासाठी मनःपूर्वक शुभेच्छा देण्यात आल्या.