आई येडेश्वरीची चैत्र यात्रा ; वाहतुक मार्गात बदल

येरमाळा प्रतिनीधी (सुधीर लोमटे) –

आई येडेश्वरीची चैत्र यात्रा ; वाहतुक मार्गात बदल

धाराशिव जिल्ह्यातील येरमाळा येथील आई येडेश्वरी देवीची चैत्र पोर्णिमा यात्रा दि. २ ते ७ एप्रिल या कालावधीत होणार आहे. या चैत्र पोर्णिमा यात्रेच्या कालावधीत येरमाळा येथे भाविकांची मोठ्या प्रमाणावर गर्दी होत होते. दि.२ रोजी छबिना व ३ तारखेला देवीची पालखी आमराईमध्ये येते व चुनखडी वेचण्याचा मुख्य कार्यक्रम त्याच दिवशी असल्यामुळे महाराष्ट्रासह इतर राज्यातुनही भाविक लाखोंच्या संख्येने वाहनाने येत असतात. अशा वेळी वाहनांची कोंडी होवु नये. भाविकांच्या सुरक्षिततेच्या दृष्टीने कोणत्याही प्रकारचा अपघात होऊन कायदा व सुव्यवस्थेचा प्रश्न निर्माण होवु नये याकरिता येरमाळा कडे येणाऱ्या मार्गावरील अवजड वाहने अन्य मार्गाने वळविणे आवश्यक आहे.
२ एप्रिल व ३ एप्रिल रोजी सर्व प्रकारच्या वाहनास संभाजीनगर ते येरमाळा मार्गे बार्शी कडे जाणाऱ्या वाहतुकीस पथक्रमण करण्यास येरमाळा – कुसळंब – बार्शी या दरम्यान मनाई करण्यात येत आहे. बार्शी ते येरमाळा मार्गे संभाजीनगर कडे येणाऱ्या वाहतुकीत बार्शी – कुसळंब – येरमाळा या दरम्यान मनाई करण्यात येत आहे.
कळंब ते येरमाळा मार्गे बार्शी ये जा करणाऱ्या वाहतुकीस या दरम्यान मनाई करण्यात येत आहे. बार्शी ते येरमाळा मार्गे परळी – परभणी ये जा करणाऱ्या वाहतुकीस बार्शी – कुसळंब -येरमाळा या दरम्यान वाहतुकीत पथक्रमण करण्यास मनाई करण्यात येत आहे.
कळंब ते येरमाळा मार्गे संभाजीनगर ये जा करणाऱ्या वाहतुकीस पथक्रमण करण्यास येरमाळा – संभाजीनगर या दरम्यान मनाई करण्यात येत आहे .
छत्रपती संभाजीनगर ते येरमाळा मार्गे बार्शी कडे जाणारी वाहतुक येरमाळा उड्डाणपुलावरून येडशी मार्गे बार्शी कडे पथक्रमण करतील . बार्शी ते येरमाळा मार्गे संभाजीनगर कडे येणारी वाहतुक कुसळंब -पांगरी – येडशी मार्गे येरमाळा उड्डाणपुलावरून संभाजीनगर कडे पथक्रमण करतील. कळंब ते येरमाळा मार्गे बार्शी कडे जाणारी वाहतुक मोहा फाटा – दहिफळ – येडशी – पांगरी – कुसळंब मार्गे बार्शी कडे पथक्रमण करतील.
बार्शी ते येरमाळा मार्गे परळी – परभणी जाणारी वाहतुक कुसळंब – पांगरी – येडशी – ढोकी – कळंब मार्गे परळी – परभणी कडे पथक्रमण करतील. कळंब ते येरमाळा मार्गे संभाजीनगर कडे जाणारी वाहतुक कळंब – मनुष्यबळ फाटा – मांडवा – वाशी फाटा मार्गे पथक्रमण करतील.
वरील बंधने ही पोलीस, रुग्णसेवा, अग्निशमन दलाची वाहने, व अत्यावश्यक सेवेतील वाहनांना, हलकी वाहने व एस.टी. बसेसला लागु राहणार नाही असे जिल्हा प्रशासनाकडून कळविण्यात आले आहे.