तेरखेडा येथे दोन सभामंडपांचा लोकार्पण व भूमिपूजन सोहळा उत्साहात

तेरखेडा येथे दोन सभामंडपांचा लोकार्पण व भूमिपूजन सोहळा उत्साहात
खंडोबा मंदिर सभामंडपाचे लोकार्पण; ज्योतिबा मंदिर सभामंडपाचे भूमिपूजन
वाशी प्रतिनिधी :
मौजे तेरखेडा, तालुका वाशी येथे आमदार प्रा. डॉ. तानाजीराव सावंत यांच्या आमदार निधीतून मंजूर करण्यात आलेल्या दोन सभामंडपांच्या कामांचा लोकार्पण व भूमिपूजन सोहळा उत्साहपूर्ण वातावरणात पार पडला.
यामध्ये खंडोबा मंदिर सभामंडपाचे लोकार्पण तसेच ज्योतिबा मंदिर सभामंडपाचे भूमिपूजन व लोकार्पण भैरवनाथचे व्हॉइस चेअरमन केशवराव सावंत यांच्या हस्ते करण्यात आले.
या कार्यक्रमामुळे ग्रामस्थांमध्ये समाधानाचे वातावरण निर्माण झाले असून धार्मिक व सामाजिक कार्यक्रमांसाठी या सभामंडपांचा मोठा उपयोग होणार असल्याची भावना उपस्थितांनी व्यक्त केली.
कार्यक्रमास माजी जिल्हा परिषद सदस्य उद्धव साळवी, तालुकाप्रमुख ॲड. सत्यवान गपाट, विभाग प्रमुख शरद मनगिरे, गणप्रमुख बालाजी नकाते, अशोक जाधवर, अक्षय चव्हाण, उपसरपंच कलाम पठाण, अच्युत शिंदे, रामलिंग शिंदे, बालाजी हलकरे, मंगेश कडवकर, रामदास कडवकर, दिनेश खामकर, योगीराज फरताडे, संदीप घुले, कृष्णा माळी तसेच शिवसेना व युवासेनेचे पदाधिकारी व कार्यकर्ते मोठ्या संख्येने उपस्थित होते.
तेरखेडा गावाच्या विकासासाठी अशा सुविधा उपलब्ध करून दिल्याबद्दल ग्रामस्थांनी समाधान व्यक्त केले.