गांजा लागवड प्रकरणी ANTF छ. संभाजीनगरची मोठी कारवाई52 गांजाची झाडे जप्त; आरोपी अटकेत

गांजा लागवड प्रकरणी ANTF छ. संभाजीनगरची मोठी कारवाई
52 गांजाची झाडे जप्त; आरोपी अटकेत

दि. 23 जानेवारी 2026 रोजी अमली पदार्थ विरोधी टास्क फोर्स (ANTF) छत्रपती संभाजीनगर कृती विभागास गुप्त बातमीदारामार्फत माहिती मिळाली की, मौ. देवळाली, ता. भूम, जि. धाराशिव येथील शेतजमिनीत मानवी आरोग्यावर विपरीत परिणाम करणाऱ्या गांजाच्या (कॅनाबिस) झाडांची अवैध लागवड करण्यात आली आहे.

मिळालेल्या माहितीच्या आधारे ANTF पथकाने तात्काळ कारवाई करत दि. 23/01/2026 रोजी मौ. देवळाली शिवारातील शेत गट नं. 462 येथे छापा टाकला. सदर शेतजमीन गोकुळदास रावसाहेब हावळे (वय 50, रा. देवळाली, ता. भूम, जि. धाराशिव) यांची असून, तेथे आरोपी अवैधरित्या गांजाची लागवड करून त्याची देखभाल व रखवाली करत असल्याचे आढळून आले.

कारवाईदरम्यान कायदेशीर पंचनामा करून लहान-मोठी एकूण 52 गांजाची झाडे उपटून जप्त करण्यात आली. वजन केल्यानंतर एकूण 16 किलो गांजा, अंदाजे ₹71,000/- किंमतीचा मुद्देमाल हस्तगत करण्यात आला.

या प्रकरणी पोलीस ठाणे परंडा, जि. धाराशिव येथे ANTF छ. संभाजीनगर कृती विभागाचे सहाय्यक पोलीस उपनिरीक्षक वाहेद मुल्ला यांच्या फिर्यादीवरून
गुन्हा रजिस्टर नं. 43/2026
कलम 8(क), 20(ब), 11(ब) NDPS कायदा 1985 अन्वये गुन्हा दाखल करण्यात आला असून आरोपी गोकुळदास रावसाहेब हावळे यास अटक करण्यात आली आहे.

ही कारवाई पोलीस महानिरीक्षक शारदा राऊत, पोलीस अधीक्षक अजीत टिके, उपविभागीय पोलीस अधिकारी गुलाबराव पाटील व सहाय्यक पोलीस निरीक्षक विजय जगदाळे यांच्या मार्गदर्शनाखाली पार पडली.

सदर कारवाईत सहाय्यक पोलीस निरीक्षक दिपाली पाटील, के.डी. संपकाळ, सहाय्यक पोलीस उपनिरीक्षक वाहेद मुल्ला, हनुमान पुरके, पोलीस हवालदार शैला टेळे, सुरेश राऊत, नागेश केंद्रे, निलेश सरफाळे, नितीन जाधव, रविंद्र साळवे, सुरज जोनवाल, ज्ञानेश्वर चव्हाण, अम्रपाली सूर्यवंशी यांनी सहभाग घेतला.

युवावर्ग नशेच्या आहारी जात असल्याच्या पार्श्वभूमीवर गांजा व इतर अमली पदार्थांची लागवड, साठवण व विक्री करणाऱ्यांविरोधात कठोर कारवाई करण्यासाठी अमली पदार्थ विरोधी टास्क फोर्स (ANTF) कार्यरत आहे. अशा प्रकारच्या बेकायदेशीर कृत्यांची माहिती नागरिकांनी पोलिसांना देण्याचे आवाहन करण्यात आले आहे.