तेरमध्ये विकासाची नांदी : अर्चनाताई पाटील यांच्या भूमिपूजनाने आशेची किणार ..!!!

तेर :- माजी जिल्हा परिषद उपाध्यक्ष अर्चनाताई पाटील यांच्या हस्ते तेर येथे पार पडलेले भूमिपूजन केवळ एका विकासकामाचा प्रारंभ नव्हता, तर संपूर्ण तेर परिसरासाठी नव्या आशेचा आणि विश्वासाचा जागर होता. या भूमिपूजनानंतर “तेर परिसरात आता विकासगंगा वाहणार” अशी चर्चा नागरिकांमध्ये जोर धरू लागली असून, भविष्यातील व्यापक विकासाची स्वप्ने पुन्हा एकदा साकार होताना दिसत आहेत.
विशेष म्हणजे, अर्चनाताई पाटील सध्या कोणत्याही पदावर नसताना देखील त्यांनी विकासासाठी घेतलेली पुढाकाराची भूमिका नागरिकांच्या मनाला भावून गेली आहे. “पद नसतानाही एवढा विकासाचा ध्यास; आणि उद्या सत्तेची जबाबदारी मिळाल्यास जिल्ह्याचा कायापालट नक्कीच होईल” अशी भावना आज तेरमधील प्रत्येक नागरिक व्यक्त करत आहे.
भूमिपूजनाच्या वेळी परिसरात एकच घोषणांचा निनाद घुमत होता —
“आज अर्चनाताई तुम आगे बढो, हम तुम्हारे साथ है!”
या घोषणांनी संपूर्ण वातावरण भारावून गेले होते.
या क्षणी अर्चनाताई पाटील यांनी उपस्थित नागरिकांना उद्देशून केलेले उद्गार मनाला स्पर्श करून गेले. त्या म्हणाल्या,
“हाक तुमची… साथ आमची. कोणतीही अडचण असो, फक्त हाक द्या; साथ आमची कायम राहील.”
त्यांच्या या शब्दांनंतर उपस्थित नागरिकांनी टाळ्यांच्या गजरात आपला उत्स्फूर्त पाठिंबा व्यक्त केला. हा क्षण केवळ राजकीय नव्हता, तर तो जनतेच्या विश्वासाचा आणि नेतृत्वावरच्या अपार प्रेमाचा प्रत्यय देणारा होता.
तेर परिसरात आज जी चर्चा सुरू आहे, ती केवळ भूमिपूजनापुरती मर्यादित नाही; तर अर्चनाताई पाटील यांच्या नेतृत्वाखाली भविष्यातील सर्वांगीण विकासाची आहे. नागरिकांच्या मनात निर्माण झालेला हा विश्वासच त्यांच्या कार्याची खरी पावती असल्याचे चित्र स्पष्टपणे दिसून येत आहे.
तेरच्या विकासकथेतील हे पहिले पाऊल उद्या संपूर्ण जिल्ह्याच्या प्रगतीचा पाया ठरेल, अशीच भावना आज तेरकरांच्या मनात ठामपणे रुजलेली आहे.