देवळालीतील सद्गुरू शामनाथ महाराज मंदिरासाठी आमदार तानाजीराव सावंत यांचे ५ लाखांचे योगदान

देवळालीतील सद्गुरू शामनाथ महाराज मंदिरासाठी आमदार तानाजीराव सावंत यांचे ५ लाखांचे योगदान
भूम-परंडा-वाशी विधानसभा मतदारसंघाचे आमदार प्रा. डॉ. तानाजीराव सावंत यांनी पुन्हा एकदा आपल्या दातृत्वाचा परिचय देत भूम तालुक्यातील देवळाली येथील ग्रामदैवत सद्गुरू शामनाथ महाराज मंदिराच्या सुरू असलेल्या सभामंडप बांधकामासाठी आपल्या स्वखर्चातून ५ लाख रुपये रोख स्वरूपात दिले आहेत.
कोणत्याही शासकीय निधीची प्रतीक्षा न करता मंदिराच्या कामासाठी स्वखर्चातून मदत केल्याने ग्रामस्थांमध्ये आनंदाचे वातावरण निर्माण झाले आहे. समाजकारण आणि धर्मकार्याला प्राधान्य देणाऱ्या सावंत यांच्या या निर्णयाचे पंचक्रोशीतून स्वागत होत आहे.
देवळालीसह परिसरातील नागरिकांनी सावंत यांच्या या योगदानाबद्दल समाधान व्यक्त केले असून, त्यांच्या लोकाभिमुख कार्यशैलीचे कौतुक केले आहे. मंदिर समितीच्या वतीनेही या मदतीबद्दल आभार व्यक्त करण्यात आले. या निधीमुळे सभामंडपाचे काम अधिक गतीने पूर्ण होण्यास मदत होणार आहे.
सामाजिक आणि धार्मिक कार्यात सातत्याने पुढाकार घेणारे आमदार सावंत यांनी पुन्हा एकदा जनतेशी असलेली आपली बांधिलकी अधोरेखित केली आहे.