धाराशिव : भारतरत्न डॉ. बाबासाहेब आंबेडकर यांच्या 135 व्या जयंतीनिमित्त 14 एप्रिल 2026 रोजी धाराशिव येथे ‘एक वही, एक पेन’ या सामाजिक उपक्रमाचे आयोजन करण्यात आले. शैक्षणिक साहित्याच्या माध्यमातून महामानवास अभिवादन करण्याच्या उद्देशाने हा उपक्रम राबविण्यात आला.
या उपक्रमांतर्गत शहरातील डॉ. बाबासाहेब आंबेडकर चौक येथे विद्यार्थ्यांना सुमारे 5 डझन वह्या व 50 पेन वाटप करण्यात आले. या उपक्रमाला नागरिकांचा उत्स्फूर्त प्रतिसाद लाभला.
यावेळी विविध सामाजिक कार्यकर्ते मोठ्या संख्येने उपस्थित होते. शिक्षणाला प्रोत्साहन देत समाजात सकारात्मक संदेश पोहोचवण्याचा प्रयत्न या माध्यमातून करण्यात आल्याचे आयोजकांनी सांगितले.
या उपक्रमाचे आयोजन आशाताई कांबळे यांच्या पुढाकारातून करण्यात आले. जयंतीनिमित्त विद्यार्थ्यांना शैक्षणिक साहित्य देऊन समाजप्रबोधनाचा संदेश देणे हीच खरी डॉ. बाबासाहेब आंबेडकर यांना आदरांजली असल्याचे मत यावेळी व्यक्त करण्यात आले.
© Copyright - Dainik Trishakti News All rights reserved. |
Total views : 9299