धाराशिव येथे वैद्यकीय अधिकाऱ्यांना निरोप तर उत्कृष्ट कार्य करणा-या कर्मचाऱ्यांचा सन्मान
पाटील,दळवे यांना निरोप, तर गुंजकर-कदम, पवार यांचा सन्मान
—————————–धाराशिव/प्रतिनिधी. महाराष्ट्र शासन सार्वजनिक आरोग्य विभाग अंतर्गत तालुका आरोग्य अधिकारी यांच्या कार्यालयाच्या वतीने पाटील, दळवे यांना निरोप तर आरोग्य विभागात उत्कृष्ट् कार्याबद्दल व राजमाता जिजाऊ पुरस्कार प्राप्त केलेल्या गुंजकर-कदम व पवार यांचा शाल श्रीफळ देऊन सोमवार दि.30 रोजी सन्मान करण्यात आला आहे
धाराशिव तालुक्यातील जागजी व पाडोळी प्राथमिक आरोग्य केंद्राचे वैधकीय अधिकारी यांना पुढील उच्च शिक्षणासाठी पीजी मध्ये मुंबई व सोलापूर येथे प्रवेश मिळाल्याबद्दल डॉ. श्याम पाटील व डॉ. महेश दळवे यांचा सत्कार करून निरोप देण्यात आला तर सुपरवाजर व आशा संघटनेच्या जिल्हाअध्यक्षा तथा ढोकी प्राथमिक आरोग्य केंद्राच्या आशा सुपरवायजर रेखाताई गुंजकर -कदम यांना राजमाता जिजाऊ पुरस्कार प्राप्त झाल्याबद्दल व आरोग्य विषयक कामामध्ये अग्रेसर राहून उत्कृष्ट काम केल्याबद्दल तसेच आरोग्य सेवक बापू पवार यांनी धाराशिव जिल्यात कुटुंब कल्याण कार्यक्रमा अंतर्गत पुरुष नसबंदी लाभार्थी प्रवर्त करून, शास्त्रीक्रिया यशस्वी केल्याबद्दल तालुका आरोग्य अधिकारी डॉ प्रमोद गिरी यांनी शाल, श्रीफळ, गुच्छ व देवींची प्रतिमा भेट देऊन सोमवार दि.30 रोजी सत्कार करण्यात आला
कार्यक्रमाच्या अध्यक्षस्थानी तालुका आरोग्य अधिकारी डॉ. प्रमोद गिरी तर प्रमुख पाहुण्या म्हणून समुद्रवाणी आशा सुपरवाजर कविताताई धनके होत्या यावेळी डॉ श्याम पाटील,डॉ. महेश दळवे, रेखाताई गुंजकर -कदम यांनी आपले आरोग्य विषयक मोलाचे विचार मांडले या कार्यक्रमास तालुका सुपरवाजर तथा राज्यस्तरीय वंदनीय बाळासाहेब ठाकरे आरोग्य रत्न पुरस्कार विजेते तानाजी क्षिरसागर, अमोल साळुंके, विकास अकोसकर, अमित गाडे, सचिन तटाळे, संजय माने, वाजीद शेख, सुनील नाईकवाडी, सौ पेठे, सौ. पवार, नितीन साळुंके, दिपक जाधव यांच्यासह सर्व अधिकारी व कर्मचारी मोठ्या संख्येने उपस्थित होते.
Total views : 12818